المشاركات

عرض المشاركات من ديسمبر, 2008

من غزة

صورة
ايوة يا افندم انا هنا
بكلمك انا من غرة
مزة ايه الله يكسفك
قلنا مرة كمان من غزة
الاحوال؟
الاحوال زي الهباب
الناس هنا بتسف تراب
تشرب جيف وتاكل مر
اصل خلاص مابقاش عزة

ايوة يا افندم من غزة
لا يا فندم مش مطب
دي الارض اتهزت هزة
اصل صاروخ جنبي طب
وقع بيت و صون عزة
علي كام نقطة دم
وكام جريح وكام جثة

ايوة يا افندم هنا من غزة
ايوة يا فندم والله عيال
بس سماح مرة دي محال
صواريخ عمال علي بطال
مش عارف انام او اتغذي

بس يا افندم انا زعلان
كل ده حصل ومافي كلام
وما سمعت زعيم هز له هزة
كله كلام مالو معني
والحسرة عم توجعنا
ما ابغي انام مجروح
واخد عزا ارض العزة

يا فندم متي نتحرك
نتحرك ان شاء الله هزار
حطة يا بطة
حطة يا وزة!

الحل منين ولفين
الحل في ايد مين؟
في ايد المتصهينين
واياك تقولي وندك منين!


ايوة فندم خلصوا خلاص
بس مافيش صوت انفاس
مش شايف شئ جنبي
يمكن مابقاش فيه غزة!


Creative 1412
30/12/2008

Men Gaza by Muhammad Negm is licensed under a Creative Commons Attribution-No Derivative Works 3.0 Unported License.