المشاركات

عرض المشاركات من 2010

١٢ فائدة للشيتات

١- يمكنك نهب محفظة والدك بحجه شراء الشيت وهي حجة ليست بالواهية طبعاً ادعي ان سعر الشيت عشرة جنيهات ٢- مفيد في حالات فقد ارتفاع درجة الحرارة لانه يسبب كثرة التعرق ٣- تحظي بعد حلة بدفعة الي الامام نحو الهاوية وهو شعور جيد باي حال فانت تطير ٤- ين صح به الاطباء في حالات ضغط الدم المنخفض ٥ - يقوي الصداقات والعلاقات فلربما يكون نقلك له سبب في صداقتك لشخص دوماً ما كنت تسترخمه ٦- تستطيع التدرب علي الاحباط قبل التخرج مجاناً! ٧- اذا كنت من طلبة كهرباء فيتطلب شرائك الشيت طلوع دور كامل وهو مفيد للصحه ٨- بسبب الشيت سيتضاعف معدل تدخينك مما يجعلك قد تقابل وجه كريم عما قريب ٩- بدون الشيت لن يستطيع اصحاب مطاحن البن وحقول الشاي بيع محصولهم انت تساهم في زيادة المساحات الخضراء ١٠- بما ان الشيت علي اي حال لا يتم تعليمه لذا انت تحافظ علي البيئة لان الدكتور بيسترزق وبوديهم اعادة التصنيع ١١- عامل اقتصادي : انت تقوم بالمساهمة في صد بطالة ١٠ انفار شغالين في الليزر ١٢- يقوم الدكاترة من ذوي النزعة الساعدية بجعل حل الشيت اونلاين وهو يعني ان مقهي الانترنت الي تحت البيت حيسترزق

انا مش انا

صورة
بالضبط زي ما انتم قاريين انا اتغيرت للاحسن خلال فترة سنتين او ثلاثة سنوان اتغيرت تماماً افكاري اتغيرت للاحسن الحمد لله علي النطاق الشخصي اصبحت راضي اكتر عن نفسي يمكن لما بقيت اراجع افكاري القديمة اتهم نفسي بالسفه الحمد لله انا احسن نفسياً متزن بقيت اشوف الامور بمنظور صح ما بقيتش اسلم دماغي لحد وبقي عندي فئة محترمة من الاصدقاء الجديرين بالاحترام والثقة ps : دي اكتر صورة حديثة لقيتها لنفسي اعمل ايه بقي مافيش غيرها اتغيرت حتي شكلا اه انا ابو حاجب مرفوع

لا ..لإحالة العمال إلى المحاكمات العسكري

صورة
في 14 أغسطس الجاري تم إحالة أيمن طاهر – أحمد طاهر – وائل بيومي محمد – أحمد محمد عيد المهيمن – علي نبيل علي من عمال شركة حلوان للصناعات الهندسية-99 الحربي سابقاً- إلى النيابة العسكرية بالهرم ،وصدر قرار بحبسهم أربعه أيام على ذمة التحقيقات وأعيد عرضهم على النيابة مرة أخرى يوم الثلاثاء الماضي والتى قررت استمرار حبسهم لمدة أربعة أيام انتهت بالأمس السبت حيث صدر قرار الإحالة إلى المحكمة العسكرية وقع علي البيان ده: http://www.gopetition.com/petition/38652.html

مسلسل الدماعة

صورة
السلام عليكم  كركر يحييكم من قدام الكمبيوتر حاجة كوميدية حبيت اشارككم فيها http://globalvoicesonline.org/2010/08/28/egypt-the-truth-about-the-muslim-brotherhood/ اها غلوبال فويسيس كتبت عن الجماعة ودي مدونة زوارها ع النت اكتر من توزيع الجرايد في مصر مرتين تلاته كدة في حبة كومنتات: 1- وحيد حامد قاصد يلمع امن الدولة وهو فشل في كدة من المبالغة امن الدولة لعنة كبرى!! المتفرج الفطن حيعرف ان وحيد حامد نصاب الي مش فطن راجع شهادات عبد المنعم محمود ""((انا اخوان))"" http://ana-ikhwan.blogspot.com/2010/08/blog-post_17.html http://ana-ikhwan.blogspot.com/2010/08/blog-post_11.html والنت عمران!! 2- غلطة وحيد حامد في انه خلي البنا يعمل دورة اياد نصار اياد عامل شغل جامد مع الجنس التيف اصله بيتقال عليه مز! 3- الصورة دي لا تعليق اكيد :D عايز اتلكم بس كسلان تصبحوا علي خير!

آي هاف طونطي يرظ اولض

اه بقالي مدة ما دونتش وصراحة عايز ارجع ادون بكثافة عشان التدوين بيريح دلوقتي انا مستفز واحد صحبي طلعلي من شات الفيس بوك زي القضاء المستعجل وانا باجهز روحي للنوم اداني فيديو كنت حاخدعة واقوله اتفرجت سلام لولا انه اصر  اتفرجت وكانت الصدمة  اتصدموا دلوتقي احسن وبعد الفيديو نكمل  http://www.facebook.com/video/video.php?v=114154451972218 الفيديو من علي الفيس بوك خش اتفرج يا مواطن وارجع لي دول خريجي معهد سياحة وفنادق والمفروض يكونوا مؤهلين للعمل كمرشدين سياحيين في مصر مصر الي هي اكبر بلد سياحي في العالم مصر يعني الهرم والحنطور وبرج الحمام والزحام والسخام  وكل التاريخ والحضارة الي واجعين دماغنا بيها ولا شفناها ولا حسيناها ورآصني يا قدع! انا قاهرني حاجتين : 1- انهي نظام تعليم خرج البني ادمين دول من تانية اعدادي اساساً!؟ 2- انا مقهور علي خريجي اداب تاريخ وتربية تاريخ صدف مرتين في حياتي اشوف اتنين من خريجي قسم التاريخ واقابلهم ويكلموني بدون سابق معرفة ناس متحدثين كويسين وعندهم معرفة رائعة بالتاريخ واللغة غير كدة ناس محترمه وجامعيين حتصدموا لما تعرفوا ان واحد من الي قاب

العالم اتجنت !

امنعوا الضرب؟ ما تمنعوش الضرب؟ عاش الوزير! خنقتوني! انا حاتكلم عن نفسي كطالب ضحية نظام تعليم مصري عقيم : ضحية للتعليم نجت منه وبتعافر انها تعافر مع نوع عقيم اخر من التعليم وهو الجامعي:: 1 - الضرب! الضرب ما ينفعش يتمنع يا افندي منك له الضرب لو اتمنع تبقي مصيبة سودة في طلاب الضرب ما ينفعش الا معاهم الضرب مش ممنوع برة: في دول زي الولايات المتحدة بعض الولايات مش بتمنع الضرب في المدارس او البيت لكن لكل شئ حدود الي بيحصل عندنا يا اساتذة ان تعليمنا بيلغي شخصية البني ادم يخلي كل الطلبة غصباً نوع واحد دون شخصية مافيش احترام لشخص الطالب او فكرة او عقليته او اي شئ في عنف في قلة ادب في ضرب بعنف بيوصل للتعليم علي الجسد واحداث اصابات  اذن عالجوا الضرب قبل ما تمنعوه لكل شئ حدود قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مُرُوا أَوْلَادَكُمْ بِالصَّلَاةِ وَهُمْ أَبْنَاءُ سَبْعِ سِنِينَ وَاضْرِبُوهُمْ عَلَيْهَا وَهُمْ أَبْنَاءُ عَشْرٍ وَفَرِّقُوا بَيْنَهُمْ فِي الْمَضَاجِعِ) الضرب مش الشبح! الضرب يعني التعنيف الخفيف! 2- حضرة الوزير الدكر ! انا مش فاهم ايه فائدة ان وزير يروح

افهم من كدة يا دكتور ان التعليم مش هدف التعليم

الموقف ده حصل معي كنت ضمن فريق الشكوي شارك في الشكوي : محمد اسماعيل--محمد نجم---محمد غانم كتب السيناريو الي حصل: محمد اسماعيل من فوق ماكبوكه: معيد ال***** ...آه من معيد ال*****..حضرنا ٣ سكاشن علي امل ان احنا نفهم ..لكن ده ما بيحصلش.. فقررنا نقدم طلب لرئيس القسم لتغييره...فكتبنا طلب مهذب اللهجة ووقع عليه ٢٨ طالب...والباقي كان ما بين مكبر دماغه او خايف او مش مهتم...وقدمنا الطلب للدكتور فابتسم وسالنا عن ميعاد السكشن..وكتب شيئا علي ورقة الطلب. وقال اصله مهندس منتدب جديد وشكله مش بيحضر..وخرجنا من مكتبه وابتسامة النصر تضئ وجوهنا هههههههههههه... وانتظرنا الاسبوع القادم بفارغ الصبر..لنري المعيد الجديد ونفهم حاجة بقي... لاقيناه هو هو ...اه والله هو. واليوم اللي بعديه رحنا للدكتور ودار بينا وبينه حوار ..عرفت ان الكلية ماشية بمبدا الحكومة اعمل اللي انت عايزه واحنا كمان هنعمل اللي احنا عايزينه ..وهذا هو الحوار حسبما اتذكره:.... واحنا المفروض مانحلش مسائلانا: السلام عليكم يا دكتور احنا كنا قدمنا لحضرتك يوم الاربع اللي فات بخصوص تغيير مهندس الميكانيكا .. د: اه هو دخلكم امبارح ان

المدرس والاربعين تلميذ

زي ما انتم عارفين واحنا حفظنا -كطلاب- ان اذكي طفل هوالطفل المصري لحد ما يخش الماسوف علي عمرة المدرسة وزي ما هو معروف ان اغلب الي بيطفشوا من المدرسة يا اما بينحرفوا ويتحولوا لاطفال شوارع بعد الهروب الكبير من البيت او بيتحول بيروح يتعلم صنعة ومش بعيد لو اشتغل بلية يخترع محرك احتراق داخلي بيشتغل بعصير القصب وطبعاً حيتحط علي الرف عشان القصب غالي اليومين دول. انا بقي الحمد لله ما دختلش مدرسة في مصر لكن دخلتها في مكان تاني العن الحمد لله واصبحت غبي بردو كالعادة يعني انا كان نفسي اعرف ايه هي حكاية الغباء الي بيحل علي الطالب المصري بعد تعليمه وتتحول دماغة لمجزمة ؟ اه واحد حيقولي المناهج: انا حقوله لا ما اعتقدش ان المناهج حتفرق بالعكس المناهج كويسة جداً ومحتاجة تكون اصعب اساساً وبيتدوا يواكبوا العصر لكنها كويسة كمناهج دراسية ياعني يبقي العيب منين؟ من الطالب ولا المدرس ولا المدرسة والمناهج والجو ولا البيبسي ولا الطماطم ولا ايه !؟ يمكن عشان طريقة التدريس؟ اه والله احتمال احنا هنا الي بيحصل كالاتي : كتاب او مذكرات احفظها عن ظهر قلب استفرغ-لا مؤاخذة يعني- كل ما حفظت في الورقة تطلع