DreIMI

الموقف ده حصل معي كنت ضمن فريق الشكوي شارك في الشكوي : محمد اسماعيل--محمد نجم---محمد غانم كتب السيناريو الي حصل: محمد اسماعيل من فوق ماكبوكه: معيد ال***** ...آه من معيد ال*****..حضرنا ٣ سكاشن علي امل ان احنا نفهم ..لكن ده ما بيحصلش.. فقررنا نقدم طلب لرئيس القسم لتغييره...فكتبنا طلب مهذب اللهجة ووقع عليه ٢٨ طالب...والباقي كان ما بين مكبر دماغه او خايف او مش مهتم...وقدمنا الطلب للدكتور فابتسم وسالنا عن ميعاد السكشن..وكتب شيئا علي ورقة الطلب. وقال اصله مهندس منتدب جديد وشكله مش بيحضر..وخرجنا من مكتبه وابتسامة النصر تضئ وجوهنا هههههههههههه... وانتظرنا الاسبوع القادم بفارغ الصبر..لنري المعيد الجديد ونفهم حاجة بقي... لاقيناه هو هو ...اه والله هو. واليوم اللي بعديه رحنا للدكتور ودار بينا وبينه حوار ..عرفت ان الكلية ماشية بمبدا الحكومة اعمل اللي انت عايزه واحنا كمان هنعمل اللي احنا عايزينه ..وهذا هو الحوار حسبما اتذكره:.... واحنا المفروض مانحلش مسائلانا: السلام عليكم يا دكتور احنا كنا قدمنا لحضرتك يوم الاربع اللي فات بخصوص تغيير مهندس الميكانيكا .. د: اه هو دخلكم امبارح ان...

زي ما انتم عارفين واحنا حفظنا -كطلاب- ان اذكي طفل هوالطفل المصري لحد ما يخش الماسوف علي عمرة المدرسة وزي ما هو معروف ان اغلب الي بيطفشوا من المدرسة يا اما بينحرفوا ويتحولوا لاطفال شوارع بعد الهروب الكبير من البيت او بيتحول بيروح يتعلم صنعة ومش بعيد لو اشتغل بلية يخترع محرك احتراق داخلي بيشتغل بعصير القصب وطبعاً حيتحط علي الرف عشان القصب غالي اليومين دول. انا بقي الحمد لله ما دختلش مدرسة في مصر لكن دخلتها في مكان تاني العن الحمد لله واصبحت غبي بردو كالعادة يعني انا كان نفسي اعرف ايه هي حكاية الغباء الي بيحل علي الطالب المصري بعد تعليمه وتتحول دماغة لمجزمة ؟ اه واحد حيقولي المناهج: انا حقوله لا ما اعتقدش ان المناهج حتفرق بالعكس المناهج كويسة جداً ومحتاجة تكون اصعب اساساً وبيتدوا يواكبوا العصر لكنها كويسة كمناهج دراسية ياعني يبقي العيب منين؟ من الطالب ولا المدرس ولا المدرسة والمناهج والجو ولا البيبسي ولا الطماطم ولا ايه !؟ يمكن عشان طريقة التدريس؟ اه والله احتمال احنا هنا الي بيحصل كالاتي : كتاب او مذكرات احفظها عن ظهر قلب استفرغ-لا مؤاخذة يعني- كل ما حفظت في الورقة تطلع ...

يمكن انا مش من متابعي كرة القدم الا وقت الزنقة(يعني عندما يحتم علي الامر)-اللهم ما لك الحمد !- انا بفهم في الكورة وبلعب كورة لكن مش باحب تشجيع الكورة! يعني كمثال: لو انت بتلعب ماتش كورة او باسكت او حتي بلي الي بيلعب معاك مش بعد الماتش حيقوم يخلع الي في رجله ويديك بيها عشان كسبته بالعكس حتروحوا وانتوا مبتسمين وزي الفل! وقد يعبر عن انك بتخم في اللعب لكن الجدل لن يستمر دقيقة لكن في الكورة ممكن واحد زملكاوي ياخد علقة ساخنة من جموع اهلاوية غاضبة! او بلاش دي اتنين صحابي زي الفل عزموا علي احضر محاضرة فيزياء وانا مش مصر لاني حضرتها بحجة اننا نروح مع بعض في نص المحاضرة ببص عليهم بيتناقشوا في تشكيل AC Milan القادم! طبعاً كانت النتيجة ان قفاهم فضل احمر طول فترة الرجوع للعجمي!-ومن ساعتها بيتجنبوا انهم يتكلموا في الكورة جنب واحد ضخم الجثة عريض المنكبين شلولخ!- ولذلك ولاني مش ناوي مرارتي تتفقع او يجيلي ضغط الدم بدري (علي الاقل مايكونش السبب الكورة) فقررت اني ما اشجعش كورة الا لو كنت مجبر ! وده الي حصل في مبارة مصر والجزائر المرة دي الماتش مذاع علي الارضي وحتي والدي قفل العيادة وجه! ...

تدوينة منتشرة جداً باسم الواجب حبيت اجرب انقلها لكم :) دونوها :) بس ما تاخدوش الصورة دي :P من أنت ؟وما الذي تفعله هنا ؟ أنا محمد ,اكتب ما احس ولا احجب ما اري ولا اكذب ولا اتجمل اكتب ما ادون وانا شبه نائم او مخدر بسبب عدم النوم أنت مكلف بحذف حرف من حروف اللغة العربية .. أيها ستختار ولماذا؟ ربما احذف من طلب مني هذا من الوجود لو قدر لك أن تدخل السجن فما هي القضية التي تتمنى ان تدخل بها إليه؟ افضل ان ادخل بتهمة وطنية :) بالمناسبة متى إكتشفت نفسك ؟ لا يمر يوم الا ان اكتشفت نفسي ورأيت ما لم اري واضرب نفسي الف بلغة عما كنت واضربها اكثر عما ساكون لو تهاونت على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟ الي ما لم يحلم به البشر هذه جنون لا اعرف كيف يفكر البشر بل اني لم اكتشف كيف افكر حتي لذا حلمي سيكون الخيار المناسب فهو يهمني باي حال نحن لا نعيش حياتنا بل نتعلم فيها كيف نعيش» ما تعليقك؟ الحياة في هذه الارض كالغابة ولتعيش يجب ان تتعلم كيف تعيش فالحياة صعبة وانا اضعف من ان الا اعيش بدون الا اتعلم بجملة واحدة ف...

شئ ينفرز! الوقت الثامنة و نصف تقريباً المكان الترام الزمان منذ يومان الحدث: راكب الترام من سيدي جابر محطة وبجد ميت مقتول انا وصديق لي الترام مزدحم لا مكان للجلوس فوقفنا :) دفعت التذكرة التي هي قيمتها الهم ما لا حسد خمس خمسات من القروش في عين الي ما يصلي ع النبي(ربع جنية يعني هههه) بعد محطة كدة طلع ولد يبدو انه في السادسة عشر من عمرة بيبي فيس (زيي كدة) هادئ الملامح تستشف من شكلة انه ابن ناس جداً ومش بايظ تماماً هوووبا...يرن موبايلة برنة هادئة موسيقية(من الجاز)- والجاز ده مش الي صيف وسامح بيحطوه في شعرهم علي فكرة ده موسيقي :) قاموس ابو حلموس الفصولمن خماناشر الي التماناشر- .... معزوفة بالفلوت و الساكس يرد في هدوءو ابتسامة هادئة *الو ايوة يا هايدي *الحمد لله كويس وانتي؟ *الله يخليكي *اه كلمتني النهاردة وكنت معاها من 15 دقيقة كدة *بصي,انا ياما نصحته ونصحتها يخلوا بالهم بس ادي اخرتها *ايوة ده انا لفيت 9 معامل علي ما لقيت معمل بيطلع النتيجة في نفس الوقت *هممممم *تخيلي الواد عندة 3 اشهر *ايوة عارف ان دي المرة التانية وده خطر *عارف حنخوض الموال ده من تاني *حذريها ان لو تنزيل وكحت تاني خطر علي...

اكثر شئ يثير الغيظ هنا هو التخطيط الشنيع في الاسكندرية الشارع متسفلت زي الحرير والغاز راكب والمية تمام والصرف تمام وكل شئ تمام تصحي علي صوت موتو بلدوزر بيكسر الشارع يا جماعة في ايه .... لا ابداً تليفونات ويضيع الاسفلت ولا عزاء للسيارات المركونة والسكان المساكين يضربون اخماساً باسداس ومرة اخري يكون كل شئ اخر حلاوة لتجد..... الاسلفت يتم تكسيرة لاعادة سفلته طب ما هو كان زي الحرير يبقي السبب ايه! طبعاً النشاط العكسي الغريب الغير مبربر الي عندنا ده كوم والاهمال في منطقتي الدخيلةو وادي القمر الشعبيتان كوم تاني ممكن اختصر الامر ان الدنيا هناك ارياف لو ركبت عربية سعادتك وانتي حامل اضمن لك انك تخلفي في الكرسي من اول مطب ارحمنا يا رب

ايوة يا افندم انا هنا بكلمك انا من غرة مزة ايه الله يكسفك قلنا مرة كمان من غزة الاحوال؟ الاحوال زي الهباب الناس هنا بتسف تراب تشرب جيف وتاكل مر اصل خلاص مابقاش عزة ايوة يا افندم من غزة لا يا فندم مش مطب دي الارض اتهزت هزة اصل صاروخ جنبي طب وقع بيت و صون عزة علي كام نقطة دم وكام جريح وكام جثة ايوة يا افندم هنا من غزة ايوة يا فندم والله عيال بس سماح مرة دي محال صواريخ عمال علي بطال مش عارف انام او اتغذي بس يا افندم انا زعلان كل ده حصل ومافي كلام وما سمعت زعيم هز له هزة كله كلام مالو معني والحسرة عم توجعنا ما ابغي انام مجروح واخد عزا ارض العزة يا فندم متي نتحرك نتحرك ان شاء الله هزار حطة يا بطة حطة يا وزة! الحل منين ولفين الحل في ايد مين؟ في ايد المتصهينين واياك تقولي وندك منين! ايوة فندم خلصوا خلاص بس مافيش صوت انفاس مش شايف شئ جنبي يمكن مابقاش فيه غزة! Creative 1412 30/12/2008 Men Gaza by Muhammad Negm is licensed under a Creative Commons Attribution-No Derivative Works 3.0 Unported License .