شئ ينفرز!

الوقت الثامنة و نصف تقريباً
المكان الترام
الزمان منذ يومان

الحدث:


راكب الترام من سيدي جابر محطة وبجد ميت مقتول انا وصديق لي
الترام مزدحم لا مكان للجلوس فوقفنا :)
دفعت التذكرة التي هي قيمتها الهم ما لا حسد خمس خمسات من القروش في عين الي ما يصلي ع النبي(ربع جنية يعني هههه)
بعد محطة كدة طلع ولد يبدو انه في السادسة عشر من عمرة
بيبي فيس (زيي كدة) هادئ الملامح تستشف من شكلة انه ابن ناس جداً ومش بايظ تماماً

هوووبا...يرن موبايلة برنة هادئة موسيقية(من الجاز)- والجاز ده مش الي صيف وسامح بيحطوه في شعرهم علي فكرة ده موسيقي :) قاموس ابو حلموس الفصولمن خماناشر الي التماناشر- .... معزوفة بالفلوت و الساكس

يرد في هدوءو ابتسامة هادئة

*الو ايوة يا هايدي
*الحمد لله كويس وانتي؟
*الله يخليكي
*اه كلمتني النهاردة وكنت معاها من 15 دقيقة كدة
*بصي,انا ياما نصحته ونصحتها يخلوا بالهم بس ادي اخرتها
*ايوة ده انا لفيت 9 معامل علي ما لقيت معمل بيطلع النتيجة في نفس الوقت
*هممممم
*تخيلي الواد عندة 3 اشهر
*ايوة عارف ان دي المرة التانية وده خطر
*عارف حنخوض الموال ده من تاني
*حذريها ان لو تنزيل وكحت تاني خطر عليها
*هممم فاهم فاهم...
*طب انتي بقي ابقي خدي بالك كويس معايا اوكي
*صحيح بصي ماحدش ياخد خبر خالص
*مافيش ..جميل جميل.....ايوة جايلك دلوقتي
*سلام
*محمد رسول الله



طبعاً رفعت حاجبي بالتدريج طول فترة المكالمة (اقسم انني لم اكن المع الاكر هو كان صوتة مسموع)
نظرت الي عبقر فرأئت عاجبة مرفوع هو الاخر ووجهة احمر ويتصبب عرقا لكنه سرعان ما تناسي ما سمع وفتح موبايلة وشغل موسيقي صاخبة من النوعية التي يحبها في سماعات الاذن

دايقني اقحام(لا الاه الا الله محمد رسول الله) في نهاية تلك المكالمة الفاضحة
يعني هو يعني رايح يعمل عملية الزايدة ولا رايح الورديان يتعارك واحتمال ما يرجعش؟
ذكر الله مطلوب مافيش حاجة لكن ايه موقعها يعني هنا
لم نكن وحدنا بالترام بل كان الترام مزدحماً كما قلت

نزل الولد بعد ان انهي مكالمته من الترام في محطة كامب شيزار

لاجد المحصل يصيح :"الله يخرب بيت التلفيزيون والكنبوتر الي لحسوا مخ العيال اية الانحطاط ده"

صراحة افترشت ارض الترام المتسخة من الضحك

تعليقي:
هل فعلاً ضاع مفهوم يسمي بالاخلاق عند بعض شباب جيلنا!

تعليقات

‏قال be pleased
قصدك معظم شباب اليومين دول !

هو الولد عنده 16 سنة !!!!!

أمال لما يبقى عنده عشرين هيعمل إيه ..

بالمناسبة يعنى .. أعرف حالة مشابهة ..

لحد دلوقتى .. الأب ميعرفش إن عنده بنت ..

و هو لسة مكملش عشرين سنة أساساً ..


ربنا يهدى ..
يا خبر يا بي
يعني ده ما كنش شئ فردي:S
‏قال kebomix
يا نهار

فعلاُ موضوع يهلك من الضحك !!!!!!
‏قال Mohamed M3ragy
فكرتني ب الذي مضي يا ابو النجوم :D

بس كان شيء لذيذ و حلو انه كان بيتكم عادي خالص كدا و كانه مثلا نسي المفاتيح في البيت :P

المشاركات الشائعة من هذه المدونة

اقصوصات الغربة الجنوبية

المعتزلة

الشيب