خسرنا معركة لكننا لم نخسر الحرب

يمكن انا مش من متابعي كرة القدم الا وقت الزنقة(يعني عندما يحتم علي الامر)-اللهم ما لك الحمد !-
انا بفهم في الكورة وبلعب كورة لكن مش باحب تشجيع الكورة!
يعني كمثال:
لو انت بتلعب ماتش كورة او باسكت او حتي بلي
الي بيلعب معاك مش بعد الماتش حيقوم يخلع الي في رجله ويديك بيها عشان كسبته
بالعكس حتروحوا وانتوا مبتسمين وزي الفل! وقد يعبر عن انك بتخم في اللعب لكن الجدل لن يستمر دقيقة
لكن في الكورة ممكن واحد زملكاوي ياخد علقة ساخنة من جموع اهلاوية غاضبة!

او بلاش دي
اتنين صحابي زي الفل عزموا علي احضر محاضرة فيزياء وانا مش مصر لاني حضرتها
بحجة اننا نروح مع بعض
في نص المحاضرة ببص عليهم
بيتناقشوا في تشكيل AC Milan القادم!
طبعاً كانت النتيجة ان قفاهم فضل احمر طول فترة الرجوع للعجمي!-ومن ساعتها بيتجنبوا انهم يتكلموا في الكورة جنب واحد ضخم الجثة عريض المنكبين شلولخ!-

ولذلك ولاني مش ناوي مرارتي تتفقع او يجيلي ضغط الدم بدري (علي الاقل مايكونش السبب الكورة)
فقررت اني ما اشجعش كورة الا لو كنت مجبر ! وده الي حصل في مبارة مصر والجزائر
المرة دي الماتش مذاع علي الارضي وحتي والدي قفل العيادة وجه!
وحضر البيبسي وخلافة من المسليات واللب
وجلس وهو علي قدر شحن اعلامي لو شاف جزائري معدي ممكن يقتله!

طبعاً انا مكبر دماغي ومش عارف ايه الي حصل في الكورة الايام الي فاتت ومش مهتم!
الماتش جه اتفجرت وانبسط جداً بالروح الموجودة في الاستاد واول هدف صرخت بالفرحة:) وكنت عرفت اننا المفروض نكسب اكتر من اتنين

الماتش خلص وكان جميل ومتكافئ
كل الي قريته في الجرايد المصرية زي المصري اليوم و الدصطور كان ورده وصابونة ديتول لكل جزائري
قلت باين اني كنت في كهف
علي الاقل اشوف الوضع ايه في الصحف الجزائرية
وتوجهت الي Arabo وجبت جريدة النهار
وكانت الصدمة!
ايه الفجر ده؟ -بضم الفاء-
معركة ودم وال فرعون
وقال ايه في ناس ماتوا


وكل ده كوم والي جاي كوم تاني
اني افتح الصندوق الاسود عشان اسمع مكالمات ناس بتعيط والحقونا !
احنا في الجزائر لو استمر الوضح حنتشنير!
ونازلين يضربوا فينا بالمولوتوف!



بعد الحديث مع زمايلي قالوا في تيشرت اتحرق
المشكلة اني متفرج علي الفيديو ده علي اليوتوب من سنة وعلي ما اذكر كان من كاس امم 2004 متصور في تونس!



طبعاً شكراً للاعلام المصري الرياضي الحقير(امثال مدحت شلبي الي بدأ الفتنة)
وشكراً للاعلام الرياضي الجزائري الوضيع ( امثال محرري جريدة النهار والفجر والضهر وقيام اليل الي عملوا افلام هندي)
وشكراً لكل واحد عمل فتنة بين الشعبين(امثال توافه العوام)
عملتوا الي الموساد ما عرفش يعمله :)

شكر حقيقي للامن المصري لمنع حدوث خربوش واحد وشكر خالص للدرك الجزائري لحماية المصريين هناك من جموع البربر الغاضبة!

تعليقات

‏قال Mohamed M3ragy
ليلتك سودة ان شاء الله يا ابو النجوم بس ربنا كدا يديني الصحة و ابقا سوبر مان الاول

طول الطريق الي العجمي هاه

ماشي ماشي اعمل الي انتا عايزه يا ضخم الجثة

المشاركات الشائعة من هذه المدونة

الشيب

المعتزلة