العالم اتجنت !

امنعوا الضرب؟ ما تمنعوش الضرب؟

عاش الوزير!

خنقتوني!

انا حاتكلم عن نفسي كطالب ضحية نظام تعليم مصري عقيم :

ضحية للتعليم نجت منه وبتعافر انها تعافر مع نوع عقيم اخر من التعليم وهو الجامعي::

1- الضرب!

الضرب ما ينفعش يتمنع يا افندي منك له

الضرب لو اتمنع تبقي مصيبة سودة

في طلاب الضرب ما ينفعش الا معاهم

الضرب مش ممنوع برة: في دول زي الولايات المتحدة

بعض الولايات مش بتمنع الضرب في المدارس او البيت

لكن لكل شئ حدود

الي بيحصل عندنا يا اساتذة ان تعليمنا بيلغي شخصية البني ادم

يخلي كل الطلبة غصباً نوع واحد دون شخصية

مافيش احترام لشخص الطالب او فكرة او عقليته او اي شئ

في عنف في قلة ادب في ضرب بعنف بيوصل للتعليم علي الجسد واحداث اصابات 

اذن عالجوا الضرب قبل ما تمنعوه

لكل شئ حدود

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مُرُوا أَوْلَادَكُمْ بِالصَّلَاةِ وَهُمْ أَبْنَاءُ سَبْعِ سِنِينَ وَاضْرِبُوهُمْ عَلَيْهَا وَهُمْ أَبْنَاءُ عَشْرٍ وَفَرِّقُوا بَيْنَهُمْ فِي الْمَضَاجِعِ)

الضرب مش الشبح! الضرب يعني التعنيف الخفيف!

2- حضرة الوزير الدكر!

انا مش فاهم ايه فائدة ان وزير يروح مدرسة من مدارسة ويقعد يهين المدرسين والمسؤلين؟

ايه فائدة يا حض الناظر والدم التقيل الرخم!

طب يا حضرة الوزير العبقري:

99٪ من مدارس مصر علي هذه الشاكلة البشعة!

جيت تاخد الناس دول كبش فداء لفساد نظام كامل؟

الفساد مش من المدرسين

الفساد من الادارات التعليمية الي المفروض بتتابع المدرسة دورياً

ليه مدير الادارة والموجهين ما تمش عقابهم يا حضرة الوزير الدكر؟

قبل ما تقعد تشخط وتنطر وتقول هم فين المدرسين! 

بص علي كشف المرتبات....300 جنيه لاجدعها مدرس في مدرسة خارج نطاق الجودة

طب نشوف المدارس بتوع الجودة"المدارس الملتزمة بالمواعيد" :

مرتب المدرس 600 جنية 

راجل فاتح بيت شغال ب 600 جنيه بس

وليه اطفال في مراحل التعليم!

يعني نهايته الفلوس ما تأكلش عيش حاف!

حل مشكلة الاجور يا حضرة الوزير وبعدين قول يا انضباط !

3- الدروس الخصوصية:

لولا الدروس الخصوصية كنت بقيت حمار!

الفكرة الغبية عند الناس الي ما عدوش علي طاحونة التربية والتعليق"ايوة مافيش تعليم في المدارس ام بلاش!"

انا حاتكلم بحيادية

فترة ابتدائي اعدادي انا ما اعرفش عن احوالها بشكل ميداني شئ الا الي بيتحكي بحكم كوني في مدراس مصرية بالمملكة ثم مدرسة خاصة

حاتكلم عن ثانوي يا سادة

المدرسة 90٪ من مدرسينها لا يصلحون للعمل في التعليم

معاقين ذهنياً و مرضي نفسيين الا من رحم ربي

المدرسين بتوع الدروس غالباً ما اشتغلوش في مدراس قبل كدة

مدرس الدرس بيفهم اكتر من اي مدرس بيدي في مدرسة" الا من رحم ربي""

الاستنتاج:

1- الضرب في المدارس محبذ بشروط!

2- المعلم قبل محاسبته ارضيه مالياً ومعنوياً

3- قلة ادب الوزير مع الطلبة شئ لا يسكت عليه

4- حسنوا نوعية المدرسين الله يخليكم