انا مندس!

ايوة بالضبط سمعتوا صح :)
انا مندس
كلنا النهادرة مندسين
مندسين عشان مصر تبقي احسن
حررنا بلدنا -نحن القلة المندسة-
من ايدي اللصوص والقتلة والسفاحين
ولاني بدون في وقت زي ده احب اشارككم اللحظة :)
واسف اني ما كتبتش بدري بس حابتدي اكتب اول باول

كل شباب مصر عاشوا اللحظة المجيدة يوم 25 يناير وكلهم عاشوا اللحظة التاريخية
اللحظة الي تنحى فيها عوكل ابو التعالب وطلع ميمو الاقرع ووراه الشخصية الشهيرة "الراجل الي ورا عمر سليمان"

في الإسكندرية العشرات اتصابوا بالرصاص المطاطي والخرطوش
واتبهدلنا بالقنابل المسيلة للدموع وانضربنا بالحي وفي منّا الي توفي

بس اثبتنا بصمودنا اننا قدرنا نوقع اسطورة الديك-تا-تور

كلنا عشنا لحظات الضرب
عشنا لحظات الخوف
عشنا لحظات الترقب
عشنا اليأس وعشنا الصدمة
وفي الاخر فرحنا!

بكرة الي مش حينزل يقولهم انا موجود والثورة لسا ماماتتش
يبقي كانه سلم الي بيتظاهروا لامن الدولة

بكرة التظاهرة في اسكندرية حتخرج من القائد ابراهيم وجامع في المنتزة وجامع ابو عمر في الورديان

يتبع--

تعليقات

‏قال حلم بيعافر
ربنا معاك يامندس

المشاركات الشائعة من هذه المدونة

اقصوصات الغربة الجنوبية

وحدي

المعتزلة