افهم من كدة يا دكتور ان التعليم مش هدف التعليم

الموقف ده حصل معي كنت ضمن فريق الشكوي
شارك في الشكوي : محمد اسماعيل--محمد نجم---محمد غانم
كتب السيناريو الي حصل: محمد اسماعيل من فوق ماكبوكه:

معيد ال***** ...آه من معيد ال*****..حضرنا ٣ سكاشن علي امل ان احنا نفهم ..لكن ده ما بيحصلش..
فقررنا نقدم طلب لرئيس القسم لتغييره...فكتبنا طلب مهذب اللهجة ووقع عليه ٢٨ طالب...والباقي كان ما بين مكبر دماغه او خايف او مش مهتم...وقدمنا الطلب للدكتور فابتسم وسالنا عن ميعاد السكشن..وكتب شيئا علي ورقة الطلب. وقال اصله مهندس منتدب جديد وشكله مش بيحضر..وخرجنا من مكتبه وابتسامة النصر تضئ وجوهنا هههههههههههه...
وانتظرنا الاسبوع القادم بفارغ الصبر..لنري المعيد الجديد ونفهم حاجة بقي...
لاقيناه هو هو ...اه والله هو.
واليوم اللي بعديه رحنا للدكتور ودار بينا وبينه حوار ..عرفت ان الكلية ماشية بمبدا الحكومة اعمل اللي انت عايزه واحنا كمان هنعمل اللي احنا عايزينه ..وهذا هو الحوار حسبما اتذكره:....
واحنا المفروض مانحلش مسائلانا: السلام عليكم يا دكتور احنا كنا قدمنا لحضرتك يوم الاربع اللي فات بخصوص تغيير مهندس الميكانيكا ..
د: اه هو دخلكم امبارح
انا : اه
د : وايه الاخبار
انا: زي ماهو
د: يعني ماتحسنش
انا : لا
د : اصل مفيش معيدين بيتغيروا وانتو لازم تبذلو مجهود في الفهم
انا : يا دكتور احنا مالناش مصدر للمذاكرة غير الكلية
د: لا المحاضرة بس واحنا المفروض مانحلش مسائل في السكشن
انا : يا دكتور طب احنا هنعمل ايه يعني
د: انتو لازم تتعودوا علي كده حتي لو في شغلك مش هتغير مديرك وزمايلك اللي مش عاجبينك
انا: بس لو في فرصة اغير الوضع للاحسن هغيره..
د: بس دلوقتي مفيش فرصة وكمان لازم يكون في سبب جوهري عشان نغيره
انا : هو في سبب جوهري اكتر من احنا نكون مش بنفهم منه..
زميلي : طب ايه هو السبب الجوهري
د : مالكش انك تعرفه ( او قال حاجة بنفس المعني بس اقل حدة )
انا : ماشي يا دكتور شكرا السلام عليكم...

وكنت عايز اقوله لو التعليم والفهم مش من اهداف التعليم يبقي اهدافه ايه..
وكنت بفكر اصعد الموضوع للعميد بس قولت كفاية السنة اللي اجلتها
....عشان مابقاش السنة اللي جاية في تالتة اعدادي هندسة...

تعليقات

‏قال Sameh Ahmed
احم

للأسف انا دايما مختلف معاك مش عارف ليه .. ورغم كدا زوحاب برده :D

المهم

للأسف اللي الدكتور قالهولك بشأن المعيد صح .. يعني ايه ؟

1- انت المفروض بتفهم من المحاضرة
2- تروح البيت تذاكر الدرس وتحاول تحل أمثلة الاسكتش عليه
3- تروح السكشن تحل انت بأيدك والمعيد وظيفته الوحيده انه يشرحلك لو فيه حتة صعبة شوية .. ومش المفروض عليه يعيد شرح الدرس!
4- انت فعلا لازم تتعامل .. للأسف .. بكرة هتشوف ناس اصعب من دا!

بس على اي حال هوا المفروض يتغير او يغير طريقته !

المشاركات الشائعة من هذه المدونة

اقصوصات الغربة الجنوبية

المعتزلة

الشيب