من غزة

ايوة يا افندم انا هنا
بكلمك انا من غرة
مزة ايه الله يكسفك
قلنا مرة كمان من غزة
الاحوال؟
الاحوال زي الهباب
الناس هنا بتسف تراب
تشرب جيف وتاكل مر
اصل خلاص مابقاش عزة

ايوة يا افندم من غزة
لا يا فندم مش مطب
دي الارض اتهزت هزة
اصل صاروخ جنبي طب
وقع بيت و صون عزة
علي كام نقطة دم
وكام جريح وكام جثة

ايوة يا افندم هنا من غزة
ايوة يا فندم والله عيال
بس سماح مرة دي محال
صواريخ عمال علي بطال
مش عارف انام او اتغذي

بس يا افندم انا زعلان
كل ده حصل ومافي كلام
وما سمعت زعيم هز له هزة
كله كلام مالو معني
والحسرة عم توجعنا
ما ابغي انام مجروح
واخد عزا ارض العزة

يا فندم متي نتحرك
نتحرك ان شاء الله هزار
حطة يا بطة
حطة يا وزة!

الحل منين ولفين
الحل في ايد مين؟
في ايد المتصهينين
واياك تقولي وندك منين!


ايوة فندم خلصوا خلاص
بس مافيش صوت انفاس
مش شايف شئ جنبي
يمكن مابقاش فيه غزة!


Creative 1412
30/12/2008
Creative Commons License
Men Gaza by Muhammad Negm is licensed under a Creative Commons Attribution-No Derivative Works 3.0 Unported License.

تعليقات

يابن اللعيبة
جامدة بجد اخر حاجة
معلش مش بعرف انقد
بس هي داخلة دماغي وخلاص
‏قال Unknown
يعني انشر يا معلمي؟
‏قال be pleased
!!

دى مدونة جديدة !!

اول مرة أشوفها على فكرة ...

مبروك عليك المدونة الجديدة ..

الأشعار جميلة ما شاء الله و أسلوبك حلو جداً ...

وطني وطنى يعنى :)
‏قال Unknown
مش جديدة التانية دي لقيطة :)

واخجلتم تواضعنا يا باش كيندرجارتن

المشاركات الشائعة من هذه المدونة

الشيب

اقصوصات الغربة الجنوبية

وحدي